هل سبق و لاحظت إن الزوار يدخلون متجرك لكن ما يشترون؟
خلني أقول لك معلومة ممكن تصدمك شوي:
في كثير من المتاجر، متوسط معدل الارتداد (Bounce Rate) يوصل لـ 70٪،
يعني 7 من كل 10 زوار يطلعون بدون ما يسوون شي.
اما معدل التحويل (Conversion Rate) الطبيعي غالبًا يكون بين 1٪ إلى 3٪ بس!
يعني من كل 100 زائر، 1 إلى 3 يشترون فعليًا.

💡 تبي تعرف هل متجرك وضعه طبيعي؟
خذ عدد الطلبات خلال شهر واقسمه على عدد الزوار، واضربه في 100.

مثال بسيط:
لو جاك 3000 زائر وطلع عندك 45 طلب،
النسبة = (45 ÷ 3000) × 100 = 1.5٪

إذا كانت النسبة عندك من 1٪ إلى 3٪، فالوضع مقبول،
أما إذا كانت أقل، فهذا المقال مكتوب عشانك

راح أشارك معك أفضل النصائح في تصميم واجهة متجر سلة

1. خلك بسيط لا تشتت الزبون

المساحات البيضاء (الفراغات) مهمة.
لا تعبي الصفحة بصور وأزرار ونصوص كثير. خلك واضح وبسيط.

2. خريطة تصفح واضحة

خلي الزبون يعرف بسرعة وين يروح:

• التصنيفات واضحة

• المنتجات مرتبة

• فيه فلتر للبحث السريع

3. اختر ثيم يخدم تجربة العميل

مو كل الثيمات مناسبة.
أفضل الثيمات حسب تجربتي: ثيم عالي (تصميم نظيف ويعطيك خيارات واسعة للتعديل)

*10 نصائح لاختيار الثيم المناسب لمتجرك الإلكتروني على سلة

4. استثمر في صور مغرية

الصور تبيع قبل الكلام.

• صور واضحة واحترافية

• خلفية نظيفة ويفضل تكون بلون فاتح سادة

• بين التفاصيل والتغليف اللي راح يوصل للعميل

• اضف اكثر من صورة

5. لا تهمل وصف المنتجات

الوصف القصير يكون واضح وفوري
والوصف التفصيلي يقنع الزبون
– وش هذا المنتج؟
– ليه يشتريه؟
– وش يميّزه عن غيره؟

6. ركّز على تجربة الجوال

أكثر من 65٪ من الزوار يدخلون من الجوال
إذا تصميمك مو مناسب للجوال، فأنت قاعد تخسرهم من البداية

7. أضف عوامل الثقة

• سياسة استرجاع واضحة

• تقييمات حقيقية

• ضمان

• وشرح بسيط عن المتجر يعطي طابع احترافي وإنساني

خلاصة

تصميم واجهة متجر سلة هو المفتاح لرفع معدل الشراء في متجرك.
لو حسيت نسبة الشراء عندك أقل من الطبيعي، ابدأ بـ تصميم واجهة سهلة وواضحة تعطي العميل شعور بالثقة والراحة.